“BEHRE IBRAHIM HAM PAR NAARE GAM GULZAR KAR BHIK DE DAATA BHIKARI BADSHAH KE WASTE”

 UMDATUL AULIA SARTAAJE ZUMRA E ASFIYA HAZRAT SAYYED QARI MOHAMMAD NIZAMUDDIN urf SHAH BHIKAA radiyallahu anhu (Urs :- 9, Zilqa’ad, Mazar :- Kakori Sharif, Zila Lucknow, U.P.) ~~~~~

>> UMDATUL AULIA, SARTAAJE ZUMRA E ASFIYA, REHBAR E DIN E AAZAM, SAANI E IMAM E AAZAM, BHIKARI BADSHAH, HAZRAT SAYYED QARI MOHAMMAD NIZAMUDDIN urf SHAH BHIKAA radiyallahu anhu. Aap Silsila e Aaliya Qadriya, Barkatiya, Razviya, Haamidiya, Habibiya ke 27ve Imam va Shaikh e Tariqat he.

>> Aapki Viladat Sharif Qasba Kakori zila Lucknow 890 hijri mutabiq 1458 isvi me hui. Aapka isme Mubarak MOHAMMAD NIZAMUDDIN radiyallahu anhu he aur Muridin va Khulfa me Aap BHIKARI ke naam se Mash’hoor he. Niz Masnaviyaat aur Shajraat me bhi isi Naam se maroof he. aur Shajra e Aaliya Qadriya Razviya me bhi isi lafz BHIKARI se yaad kiye gae he.

>> Aapka Laqab SHARIF DAANISHMAND he. chunanche ek Shahi Farman jo Darbaare Akbari se 982 hijri me jari hua tha Aapko “QARI AABAI NIZAMUDDIN SHAIKH BHIKAA DAANISHMAND” ke laqab se yaad kiya gaya he. Aapke Vaalid e Majid ka Naam SAIFUDDIN he. Aap ALVI SAYYED he. aur MOULA E KAAINAT SAYYEDNA ALIYYE MURTAZA radiyallahu anhu ke Shehzade HAZRAT SAYYEDNA MOHAMMAD bin HANFIYA radiyallahu anhu ki Aulad me se he. Aapka Shajra e Nasb unse 21 vaasto se jakar milta he.

>> Aap Apne Waqt ke Bade hi Maae Naaz Aalim o Faazil aur Qira’ate Saba’a ke Imam e Mutakallim the. Jumla Uloom o funun ko Apne Valid e Majid se hasil farmaya aur Dars o Tadris ke Zariye Azim dini va Islami Khidmaat ko Anjam diya.

>> Aapka Visal e Paak 9 Zilqa’ad 981 hijri ko Navve (90) Saal ki Umr Sharif me hua. Aapka Mazar e Aqdas Zila Lucknow, Qasba Kaakori me Marja e Khalaiq he.

“BEHRE IBRAHIM HAM PAR NAARE GAM GULZAR KAR

BHIK DE DAATA BHIKARI BADSHAH KE WASTE”

(SAYYEDNA SARKAR AALA HAZRAT IMAM AHMED RAZA FAZILE BARELVI radiyallahu anhu)

Aap Qadri Mashrab, Hanfi Mazhab, Haafiz e Kalamullah, Qari e Haft Qira’at, Aalim e Be Nazir aur Faazil e Be Badil the. Aapne Muta’addid baat HUZUR SARVAR E KAAINAT sallallahu alayhi va sallam ki Ziyarat ki he aur Bargahe Risalat se Azim Basharato se Faizyaab hue he. Aksar Martaba SARKAR E GOUSIYAT MA’AAB radiyallahu anhu ki bhi Ziyarat farmai he.

>> chunanche Aap khud hi irshad farmate he ke “me aksar Ziyarate HAZRAT GOUS E PAAK radiyallahu anhu se Mushsharraf hua hu. Magar SARKAR GOUS E AAZAM radiyallahu anhu ko tanha kabhi nahi dekha balki Aapke sath HAZRAT SAYYEDNA SHAIKH SHAHABUDDIN UMAR SOHARVARDI radiyallahu anhu bhi hote he aur ba waqte kalaam bhi SHAIKH SHAHABUDDIN SOHARVARDI radiyallahu anhu ko HAZRAT GOUS E PAAK radiyallahu anhu ki Pairvi karte dekha aur SHAIKH SHAHABUDDIN SOHARVARDI radiyallahu anhu ne khud kabhi Guftagu nahi farmai jiski vajah se mujhe ek qism ka taraddud rehta he”

>> “Lihaza mene apne valid e majid se arz kiya to Aapne irshad farmaya ke Pareshani ki konsi baat he? SARKAR GOUS E AAZAM radiyallahu anhu ko Ahle Kashf Hazraat ZUL JANAAHIN (DO BAAZUO WALE) kehte he. JINAAHE AVVAL HAZRAT SHAIKH SHAHABUDDIN UMAR SOHARVARID aur JINAHE DOUM HAZRAT SHAIKH AKBAR MUHYUDDIN ibne ARBI radiyallahu anhuma he.”

>> chunke is zamane me tumhari Himmat Shara’ae aur Ittebae Sunnat ki taraf Mutavajjeh he isliye HAZRAT SHAIKH UMAR SOHARVARDI radiyallahu anhu HAZRAT GOUS E PAAK radiyallahu anhu ke sath Nazar aate he. HAZRAT GOUS E AAZAM radiyallahu anhu irshad farmate he ke “mene Ilm e Ma’arif SHAIKH MUHYUDDIN ibne ARBI (radiyallahu anhu) ko diya”

HAZRAT MAKHDOOM SAYYEDNA MOHAMMAD NIZAMUDDIN SHAH BIKHARI BADSHAH radiyallahu anhu khud irshad farmate he ke “mene das (10) Saal ki umr me Kalamullah Sharif ka Mukammal Hafiz ho kar Qutub e Darsiya Padhna Shuru kiya aur choudah (14) baras ki umr me Faarigut Tehsil ho gaya. Uske baad HAZRAT MOULANA ZIYAUDDIN MOHADDIS MADNI Alayhirrehma se Hadis Sharif ka Dars liya”

>> HAZRAT MOHADDIS MADNI Alayhirrehma ne ek roz Asnaae Dars me Darood Sharif ki Ijazat di jiske padhne se me HUZUR sallallahu alayhi va sallam ki ziyarat se Musharraf hua. Aur ye bhi irshad farmate he ke …

>> “ek roz Ladakpan ke zamane me mene kaha ke mujhe un logo par Ta’ajjub hota he jo Harmain Sharifain jate he aur waha se vapas chale aate he. Agar mujhe ye Sa’adat nasib ho to me Muddatul Umr vapas na aau. To is Sawal par MALIK E KHULDE BARI, ALLAH KE PYARE HABIB sallallahu alayhi va sallam ki Ziyarat se Mushsharraf hua aur Aapne irshad farmaya ke….”

>> “tum jo ziyarat e Harmain Sharifain karke phir vapas nahi jana chahte, to aisa na karo, tumko Hindustan me rehna chahiye take tumse Log faayda Hasil kare aur tum waha Aqd (Shadi, Nikaah) karoge Jis se Aulad e Saaleh va Aabid Paida hogi. Phir mere sar par Daste Mubarak rakha jis se mera Dimaag aisa moa’attar hua ke me Be Khud ho gaya to Daste Muqaddas se sar ko harkat de kar Irshad farmaya ke BE KHUD HONA AASAN HE AUR BAA KHUD HONA MUSHKIL HE”

>> Banda e Saakitul Khidmat se Ma’abood ka Kaam thik nahi Banta, Khuda ka Shukr karo, jisne tumko is qadr kavi iste’adaad ataa ki he. sirf Himmate Rijaale Sabiyya se tumhari takmil hogi aur us waqt martaba e ahsane haqiqat tum par munkashif hogi. Phir Daste Mubarak Sine par rakh kar farmaya ke iski Tafsil dusre waqt par mouquf he. uske baad sine par se hath daahini janib aur daahini se baai janib pher kar kalmia e saabika (pehle wali baat) mukarrar farmaya uske baad Daste Mubarak utha kar ye Aayat padhi “SUBHAN RABBIKA RABBIL IZZATI AMMA YASIFUN VA SALAAMUN ALAL MURSALIN VAL HAMDU LILLAHI RABBIL AALAMIN”

>> Aap farmate he ke Subha ko ye waqia mene HAZRAT MOULANA ZIYAUDDIN MOHADDIS MADNI Alayhirrehma se bayan kiya to wo mujhko Apne hamraah lekar Valid e Majid HAZRAT SAIFUDDIN Alayhirrehma ki Khidmat me le gae aur unse bayan kiya, Vaalid e Majid ne Shukrane ki Namaz adaa kar ke Hazrat se farmaya ke mene iske Haq me Bahot si Basharate Buzurgo se suni he, jinme se ek ye he jo Aapki tavajjoh se zahir hui he.

(Tazkira e Mashaikhe Qadriya Barkatiya Razviya)